Eigentlich sollte hier eine Einleitung stehen. Irgendwas Erhellendes, Erklärendes über «VerdäCHtig», die neue Rap-Kolumne auf saiten.ch. Zum Glück hat Esik das gleich selber übernommen – hört, hört:

Und für alle, die doch lieber lesen:

Zerscht schuldig denn verdächtig, mer nennt mi Esik,
spiel scho ewix metrisch mit Zaile wie bi tetris,
athletischä Fetisch mit Wörter ab in estrich,
genetischi mischig, halb schwizerisch halb algerisch,
da mol vorus zu mir als Mensch und Person,
komischi Redewendig: Mensch und Person,
Gits en Underschied, wa isch Mensch, wa Person?
Eigentli bini nur eis, nämli Mensch, nöd Person,
so schinbar sinnlosi infos wirsch do no oft ghöre,
einigi fanged aa, dä massemedie-stoff störe,
sie kenned di wohr gschicht und tönd üs öppis vordichte,
bald chunts s’end für nochrichte wo sie ständig norrichtet,
lügene predige und d’wohrheit heimlich erledige,
s’pech vo dä grosse mehrheit isch s’glück vo einige wenige
kein fiese scherz, nei miese schmerz, vieli regione sind kriseherd,
plus flüchtlingswelle us syrie, europa het scho ä rieseherz,
doch jedes herz stoht ständig under enormem druck,
während s’ghirn vom ganze  energie i jedere form verschluckt,
verruckt, aber d’mensche wached langsam uf,
segs mit demos, büächer, videos oder mit gangnam moves,
lang lang bruchts nüme bis sich System vernichtet,
bis sich au bi dä allgemeinheit dä verdacht verdichtet,
mer werdet glebt, anstatt dassmer würkli lebed,
programmiert manipuliert und vo geburt aa kneblet,
drum mömmer   mitenand kommuniziere, nöd nur ahand vome selfie,
aso machi verdächtig, und hoff somit helfi,
denn i kenn kei ufgeh, drum gits da slangteil
en grosse schritt für mi, en chline schritt für d’menschheit,
denn mer sind ei sippe, ei sorte, nur mit zämehalt bllibt üsi horde gsund
vergessed nie: mensch isch mensch stoht immer im vordergrund.